Правілы перасячэння граніцы з дзецьмі

Калі вы едзеце з дзецьмі ва ўзросце да 3 гадоў або дзецьмі-інвалідамі ва ўзросце да 18 гадоў, вы маеце права на пазачарговы ўезд у аўтадарожныя пункты пропуску. Звярніце ўвагу, што гэта правіла дзейнічае толькі ў пунктах пропуску, дзе адсутнічае сістэма электроннай чаргі. У пункты пропуску, дзе функцыянуе сістэма электроннай чаргі, асобы, якія едуць з дзецьмі-інвалідамі ва ўзросце да 18 гадоў, прапускаюцца па-за чаргi з зоны чакання.

Непаўналетнія грамадзяне (не дасягнулі 18 гадоў) Рэспублікі Беларусь могуць выязджаць за граніцу па сваіх пашпартах:

-у суправаджэнні абодвух цi аднаго з бацькоў (апекуноў) пры прад'яўленні пагранічніку аднаго з дакументаў, якія пацвярджаюць іх статус бацькоў (апекуноў);

Пералік такіх дакументаў:

• дакумент для выезду з Рэспублікі Беларусь і ўезду ў Рэспубліку Беларусь законнага прадстаўніка, у якім маецца адзнака аб непаўналетнім, законным прадстаўніком якога з'яўляецца ўладальнік дакумента (пашпарт з запісаным дзіцем);
• пасведчанне аб нараджэнні непаўналетняга;
• пасведчанне аб усынаўленні (удачарэнні) ці копія рашэння суда аб усынаўленні (удачарэнні) непаўналетняга - у выпадку, калі ўсынавіцеляў не запісалі ў кнізе запісаў актаў аб нараджэнні ў якасці аднаго з бацькоў непаўналетняга, якога ён ўсынавіў (удачарыў);
• пасведчанне на права прадстаўлення інтарэсаў падапечнага;
• дагавор аб перадачы непаўналетняга на выхаванне ў прыёмную сям'ю;
• дагавор аб умовах выхавання і забеспячэння непаўналетняга ў дзіцячым доме сямейнага тыпу;
• копія рашэння органа апекі і папячыцельства аб устанаўленні апекі або папячыцельства над непаўналетнім і прызначэнні грамадзяніна апекуном або папячыцелем непаўналетняга.

Увага! Калі дзіця выязждае/ўязджае з адным з бацькоў, натарыяльны дазвол ад другога з бацькоў не патрабуецца.

- без суправаджэння бацькоў пры прад'яўленні пісьмовай згоды абодвух.

Увага! Пісьмовая згода бацькоў на выезд з Рэспублікі Беларусь непаўналетняга павінна быць засведчана:

• натарыусам альбо іншай службовай асобай, якая мае права здзяйсняць такое натарыяльнае дзеянне;
• службовай асобай падраздзялення па грамадзянстве і міграцыі органа ўнутраных спраў Рэспублікі Беларусь па месцы жыхарства законнага прадстаўніка або непаўналетняга;
• кампетэнтным органам або службовай асобай замежнай дзяржавы.

Гэты дакумент прымаецца пры наяўнасці прастаўлення ў ім апастылю, калі іншае не прадугледжана міжнароднымі дамовамі Рэспублікі Беларусь, і павінен суправаджацца яго перакладам на адну з дзяржаўных моў Рэспублікі Беларусь. Вернасць перакладу або сапраўднасць подпісу перакладчыка на перакладзе павінны быць засведчаны натарыусам альбо іншай службовай асобай, якія маюць права здзяйсняць такое натарыяльнае дзеянне.

Дзеці, якія пастаянна пражываюць за межамі Рэспублікі Беларусь, выязджаюць з Рэспублікі Беларусь па сваіх пашпартах у суправаджэнні аднаго з бацькоў.

Дзеці без суправаджэння павінны прад'явіць пісьмовую згоду аднаго з бацькоў.

Дзеці могуць выязджаць з Рэспублікі Беларусь па сваіх дыпламатычных або службовых пашпартах грамадзян Рэспублікі Беларусь у суправаджэнні аднаго з бацькоў.

ЗВЯРТАЕМ УВАГУ! У выпадку выезду з Рэспублікі Беларусь дзяцей-сірот або дзяцей, якія засталіся без апекі бацькоў у суправаджэнні апекуноў або без іх суправаджэння, але з іх пісьмовай згоды супрацоўніку органа пагранічнай службы павінен быць прадстаўлены адзін з наступных дакументаў:

- рашэнне мясцовага выканаўчага і распарадчага органа аб накіраванні непаўналетняга на вучобу за граніцы Рэспублікі Беларусь - у выпадку выезду з Рэспублікі Беларусь непаўналетняга на вучобу тэрмінам больш за 30 каляндарных дзён;

- дакументаў, указаных у артыкуле 14 Закона Рэспублікі Беларусь ад 20 верасня 2009 года № 49-3 «О порядке выезда из Республики Беларусь и въезда в Республику Беларусь граждан Республики Беларусь» - у выпадку выезду з Рэспублікі Беларусь непаўналетняга для аздараўлення, санаторна-курортнага лячэння або атрымання медыцынскай дапамогі;

- копіі загаду ўпраўлення (аддзела) адукацыі мясцовага выканаўчага і распарадчага органа аб дазволе выезду з Рэспублікі Беларусь непаўналетняга на пэўны тэрмін – у выпадку выезду з Рэспублікі Беларусь непаўналетняга па іншых падставах.

Правілы перасячэння граніцы Рэспублікі Беларусь непаўналетнімі грамадзянамі Расійскай Федэрацыі

* Непаўналетнія грамадзяне Расійскай Федэрацыі, як правіла, выязджаюць з Расійскай Федэрацыі сумесна хоць бы з адным з бацькоў, усынавіцеляў, з апекуном або папячыцелем.

* Калі непаўнагадовы грамадзянін Расійскай Федэрацыі выязджае з Расіі без суправаджэння, ён павінен мець пры сабе акрамя пашпарта натарыяльна аформленую згоду вышэйзгаданых асоб на яго выезд з указаннем тэрміну выезду і дзяржавы (дзяржаў), якое (якія) ён мае намер наведаць. Згода другога з бацькоў не патрабуецца.

* У выпадку, калі непаўнагадовы грамадзянін Расійскай Федэрацыі выязджае за граніцы сваёй краіны на тэрмін звыш трох месяцаў, гэта згода павінна быць таксама заверана органамі апекі і папячыцельства.

* Калі адзін з бацькоў, усынавіцеляў або папячыцеляў заявіў аб сваёй нязгодзе на выезд з краіны непаўналетняга грамадзяніна Расійскай Федэрацыі, пытанне аб магчымасці яго выезду з Расійскай Федэрацыі дазваляецца ў судовым парадку.

* Пры арганізаваным выездзе груп непаўналетніх грамадзян Расійскай Федэрацыі без суправаджэння бацькоў, усынавіцеляў, апекуноў або папячыцеляў, абавязкі законных прадстаўнікоў непаўналетніх нясуць кіраўнікі груп.

* Грамадзянін Расійскай Федэрацыі, прызнаны судом недзеяздольным, па хадайніцтве бацькоў, усынавіцеляў або апекуноў можа выехаць з Расійскай Федэрацыі ў суправаджэнні паўналетняга асобы, здольнай забяспечыць бяспеку недзеяздольнага і бяспеку навакольных людзей.

Соглашение между Республикой Беларусь и Российской Федерацией об обеспечении равных прав граждан Республики Беларусь и Российской Федерации на свободу передвижения, выбор места пребывания и жительства на территориях государств – участников Союзного государства.