Навіны

Перарваны палёт: лідскія пагранічнікі спынілі спробу парушэння граніцы беспілотнікам

24.12.2020

На мінулым тыдні пагранічнікі заставы "Доцішкі" паблізу дзяржаўнай граніцы абясшкодзілі квадракоптар.

Перарваны палёт: лідскія пагранічнікі спынілі спробу парушэння граніцы беспілотнікам

З дапамогай сучасных тэхнічных сродкаў аховы граніцы вайскоўцы не далі гаспадару лятальнага апарата ўвасобіць у жыццё супрацьпраўны намер. Варта адзначыць, што квадракоптар апынуўся з канструктыўнымі дапрацоўкамі. З іх дапамогай ён здольны падымаць і дыстанцыйна скідаць розныя прадметы.

За парушэнне пагранічнага рэжыму ў дачыненні да аператара беспілотніка пачаты адміністрацыйны працэс, праводзяцца праверачныя мерапрыемствы.

Дзяржпагранкамітэт нагадвае, што дзейнасць, звязаная з выкарыстаннем, валоданнем і (або) утрыманнем лятальных апаратаў у пагранічнай паласе не дапускаецца. Выкарыстоўваць у пагранічнай зоне дазволена зарэгістраваныя лятальныя апараты і толькі пасля паведамлення супрацоўнікаў бліжэйшага падраздзялення органаў пагранічнай службы.