Навіны

На граніцы з Літвой са стральбой затрымалі парушальніка

11.01.2021

10 студзеня паблізу вёскі Драбішуны Воранаўскага раёна пагранічнікі Лідскага пагранатрада выявілі невядомага, які рухаецца да граніцы.

На граніцы з Літвой са стральбой затрымалі парушальніка Фота носіць ілюстрацыйны характар

Убачыўшы вайскоўцаў, мужчына паспрабаваў схавацца ў лесе, на неаднаразовыя патрабаванні спыніцца не рэагаваў. Аднак пасля трох папераджальных стрэлаў у паветра быў затрыманы.

Парушальнікам аказаўся 33-гадовы жыхар Ліды. У дачыненні да маладога чалавека пачаты адміністрацыйны працэс за спробу на незаконнае перасячэнне граніцы, парушэнне пагранічнага рэжыму і непадпарадкаванне законнаму патрабаванню супрацоўнікаў органаў пагранічнай службы.