На граніцы з Украінай канфіскаваны патроны
Інцыдэнт адбыўся 24 лістапада ў пункце пропуску Макраны. Пры аглядзе грузавіка ў адным з транспартаваных аўто брэсцкія пагранічнікі выявілі боепрыпасы.
Аўтапоезд перавозіў легкавыя аўтамабілі ў украінскі Львоў. Пад вадзіцельскім сядзеннем аднаго з аўто пагранічнікі выявілі 17 патронаў "9 * 19 мм Парабелум".
Боепрыпасы перададзеныя супрацоўнікам Маларыцкага РАУС, праводзяцца працэсуальныя дзеянні.