Сучасная тэхніка супраць БЛА: на беларуска-польскай граніцы затрыманы гексакоптэр з цыгарэтамі
Беларускія пагранічнікі паспяхова працягваюць выпрабаванні сучасных радыёэлектронных сродкаў барацьбы з беспілотнікамі, якія выкарыстоўваюць для супрацьпраўнай дзейнасці на граніцы. Вайскоўцы Брэсцкай і Гродзенскай пагрангруп ужо на практыцы ўпэўніліся ў эфектыўнасці і шырокім спектры магчымасцяў прыбораў процідзеяння.
![Сучасная тэхніка супраць БЛА: на беларуска-польскай граніцы затрыманы гексакоптэр з цыгарэтамі Сучасная тэхніка супраць БЛА: на беларуска-польскай граніцы затрыманы гексакоптэр з цыгарэтамі](/upload/resize_cache/iblock/f8a/900_550_1/f8a3a2c98ebf874256273d3829b250e7.jpg)
Сучасная тэхніка супраць БЛА: на беларуска-польскай граніцы затрыманы гексакоптэр з цыгарэтамі
Інцыдэнт, які адбыўся 23 кастрычніка, стаў чарговым прыкладам паспяховага прымянення радыёэлектронных сродкаў барацьбы. Пагранічнікі заставы "Знаменка" Брэсцкай пагранічнай групы з дапамогай радыёэлектроннай стрэльбы "Навальніца-Р2" беларускай вытворчасці нейтралізавалі гексакоптэр, які выкарыстоўваўся для перакідання падакцызнага тавару праз беларуска-польскі ўчастак граніцы.
Абагульніўшы паспяховыя вынікі доследнай эксплуатацыі, у пагранічным ведамстве разглядаюць пытанне аб пастаўцы на ўзбраенне айчынных узораў радыёэлектронных сродкаў барацьбы з беспілотнікамі-парушальнікамі.
![](/upload/sprint.editor/dc2/dc2c381528b9067e69ad6dfb6f23a43d.jpg)
Таксама чытайце нас у Telegram-канале і ў сацыяльных сетках пагранічнага ведамства.