Навіны

"Спрабавалі падкупіць пагранічніка". На граніцы затрыманая група кантрабандыстаў, у якую ўваходзіў украінскі паліцэйскі

10.11.2020

6 лістапада ў Маларыцкім раёне брэсцкія пагранічнікі затрымалі дваіх грамадзян Беларусі 1992 і 1995 гг. нараджэння і грамадзяніна Украіны 1988 года нараджэння. Мужчыны мелі намер незаконна перамясціць праз дзяржаўную граніцу тытунёвыя вырабы беларускай вытворчасці. Для ажыццяўлення свайго плана кантрабандысты спрабавалі падкупіць беларускага пагранічніка.

"Спрабавалі падкупіць пагранічніка". На граніцы затрыманая група кантрабандыстаў, у якую ўваходзіў украінскі паліцэйскі

У ходзе разбору высветлілася, што грамадзянін Украіны – дзеючы супрацоўнік украінскай Нацыянальнай паліцыі. Нягледзячы на прафесію жыхар суседняй краіны наўмысна парушыў беларускую граніцу для нелегальнага заробку. Ідэйным натхняльнікам групы быў яшчэ адзін грамадзянін Украіны, які знаходзіцца на тэрыторыі сумежнай дзяржавы. Ён распрацаваў і арганізаваў выкананне ўсёй злачыннай схемы.У выніку ператрусаў па месцах рэгістрацыі і жыхарства грамадзян Беларусі канфіскаваныя паляўнічая агнястрэльная гладкаствольная зброя, пяць мабільных тэлефонаў, дзве рацыі з зараднай прыладай, флэш-назапашвальнікі, ноўтбук і «чорная» Бухгалтэрыя кантрабандыстаў.

Па канфіскаваных тавараў і тэхніцы прызначаныя крыміналістычныя экспертызы. За дачу хабару распачатая крымінальная справа, фігурантам пагражае да пяці гадоў пазбаўлення волі.

У цяперашні час працягваюцца следчыя дзеянні і аператыўна-вышуковыя мерапрыемствы па ўстанаўленні кола асоб, якія маюць дачыненне да супрацьпраўнай дзейнасці.