Навіны

Нетурыстычны маршрут грамадзяніна Ірака спынілі беларускія пагранічнікі

08.10.2020

7 кастрычніка смаргонскія пагранічнікі за некалькі метраў ад пункта пропуску "Каменны Лог" за спробу парушэння граніцы затрымалі грамадзяніна Ірака.

Нетурыстычны маршрут грамадзяніна Ірака спынілі беларускія пагранічнікі

Падчас разбіральніцтва высветлілася, што затрыманы прыбыў праз аэрапорт «Мінск» у Беларусь па турыстычнай візе. На грамадскім транспарце, а затым таксі ён дабраўся да пункта пропуску і паспрабаваў яго абыйсці для таго, каб патрапіць у Літву. Сам парушальнік-этнічны курд, які мае грамадзянства Ірака, меў намер папрасіць у Еўрасаюзу палітычны прытулак.

Мужчына змешчаны ў ізалятар часовага ўтрымання Смаргонскай пагранічнай групы. У дачыненні да яго распачаты адміністрацыйны працэс за парушэнне пагранічнага рэжыму і незаконнае перасячэнне граніцы. Яго чакае дэпартацыя з забаронай уезду ў Беларусь на тэрмін да 5 гадоў.