Вызначаны лепшыя спецыялісты пагранічнага кантролю

Штогадовае першынство дае магчымасць вызначыць узровень майстэрства пагранічнікаў, удасканальваць прафесійныя навыкі, а таксама ўкараняць у практыку перадавы вопыт. Удзельнікі спаборніцтваў прайшлі выпрабаванні на веданне ўзораў дакументаў, асаблівасцяў перасячэння граніцы па пашпартах розных краін, а таксама ідэнтыфікацыі асобы.

Невыпадкова да супрацоўнікаў пагранічнага кантролю прад'яўляюцца асаблівыя прафесійныя патрабаванні. На іх рахунку сотні выяўленых парушальнікаў і падробленых дакументаў.

Сёлета ў спаборніцтвах прынялі ўдзел курсанты выпускнога курса Інстытута пагранічнай службы.

Па выніках спаборніцтваў лепшым начальнікам змены стаў прадстаўнік Гродзенскай пагранічнай групы старшы лейтэнант Квяткевіч Яўген. Лепшым кантралёрам прызнана прапаршчык Хвалько Алена з Мазырскага пагранічнага атрада. Пераходзячы кубак уручаны камандзе Гродзенскай пагранічнай групы, на другім месцы каманда атрада пагранічнага кантролю "Мінск", на трэцім – Гомельская пагранічная група.

Сучасная граніца дынамічна развіваецца, але застаецца нязменным тое, што пагранічнік першым сустракае законапаслухмяных грамадзян, і спыняе тых, хто спрабуе парушыць закон.