Манеты, кнігі і маркі 19 стагоддзя: пагранічнікі прадухілілі вываз з Беларусі гісторыка-культурных каштоўнасцяў
Увечары 25 верасня ў пункце пропуску Макраны ў мікрааўтобусе, які накіроўваўся ва Украіну, пагранічнікі выявілі грашовыя купюры, манеты, кнігі і паштовыя маркі 19-20 стагоддзяў.
Жыхар суседняй краіны паспрабаваў правесці меркаваныя гісторыка-культурныя каштоўнасці ў запячатаных поліэтыленавых канвертах сярод каробак з асабістымі рэчамі.
Брэсцкія пагранічнікі канфіскавалі больш за 70 найменняў прадметаў і перадалі іх супрацоўнікам мытні для правядзення экспертызы.