Грамадзянкі Ірана з чужымі пашпартамі затрыманы ў сталічным аэрапорце
24 жніўня ў Нацыянальным аэрапорце «Мінск» пры афармленні рэйса, які прыбыў з Турцыі, пагранічнікі затрымалі дзвюх грамадзянак Ірана.
![Грамадзянкі Ірана з чужымі пашпартамі затрыманы ў сталічным аэрапорце Грамадзянкі Ірана з чужымі пашпартамі затрыманы ў сталічным аэрапорце](/upload/resize_cache/iblock/4d8/900_550_10ef449b14267add9b640f6e277110bf9/4d81a322d60e158995aa542a308b694c.jpg)
Жанчыны прад'явілі іспанскія пашпарты, якія ім не належалі. Самі яны прызналіся, што Беларусь не была канчатковай кропкай іх маршруту. Далей грамадзянкі збіраліся паляцець у Нідэрланды для пошуку лепшых умоў для жыцця.
Іншаземкі аформлены парушальнікамі дзяржграніцы і ва ўстаноўленым парадку перададзены супрацоўнікам міліцыі.