Каханне не ведае границ: грамадзянін Польшчы спрабаваў незаконна трапіць да дзяўчыны ў Беларусь
22 красавіка градзенскімі пагранічнікамі ад польскіх калегаў была атрымана інфармацыя аб магчымым парушэнні граніцы. Пры праверцы кантрольна-следавай паласы былі выяўлены сляды ровара, якія вядуць у Беларусь. Аднак далёка веласіпедысту з'ехаць не ўдалося: службовы сабака хутка стаў на след і вывеў пагранічнікаў да парушальніка.
![Каханне не ведае границ: грамадзянін Польшчы спрабаваў незаконна трапіць да дзяўчыны ў Беларусь Каханне не ведае границ: грамадзянін Польшчы спрабаваў незаконна трапіць да дзяўчыны ў Беларусь](/upload/resize_cache/iblock/6ec/900_550_10ef449b14267add9b640f6e277110bf9/6ece4ea74a6796bb20dcf86b7997d61f.jpg)
36-гадовы іншаземец апынуўся грамадзянінам Польшчы. Ён не стаў хаваць намеры незаконна трапіць у Беларусь, але патлумачыў свае матывы палкімі пачуццямі да дзяўчыны, якая пражывае ў Гродна.
Парушальнік распавёў, што прыняў рашэнне незаконна перасекчы граніцу адразу ж, як толькі мясцовыя польскія ўлады крыху аслабілі патрабаванні пра самаізаляцыю і дазволілі наведваць лес. Узяўшы заплечнік, маску і ровар, малады чалавек адправіўся да беларускай граніцы, дзе і быў затрыманы.
Грамадзянін Польшчы прыцягнуты да адміністрацыйнай адказнасці за незаконнае перасячэнне граніцы і парушэнне заканадаўства аб прававым становішчы замежных грамадзян. Яму вынесена папярэджанне з забаронай уезду ў Беларусь на 6 месяцаў. У гэты ж дзень парушальнік быў перададзены польскаму боку.