Вяртанне на Радзіму: беларускія пагранічнікі дапамаглі 72 ўкраінцам

18 сакавіка ў Дзяржпагранкамітэт ад літоўскіх пагранічнікаў паступіла інфармацыя аб накіраванні да беларускай граніцы грамадзян Украіны, якія вяртаюцца з Францыі да свайго месца жыхарства.

Беларускія пагранічнікі ва ўзаемадзеянні з літоўскімі калегамі аператыўна аформілі 72 замежніка ў пунктах пропуску «Мядзінінкай»-«Каменны Лог».

У беларускім пункце пропуску «Каменны Лог» для афармлення прыбыўшых украінцаў быў выдзелены асобны канал, і ва ўзаемадзеянні са службай санітарна-каранціннага кантролю ў дачыненні да кожнага грамадзяніна праведзены абавязковыя санітарна-эпідэміялагічныя мерапрыемствы. Усе пасажыры адчувалі сябе добра, прыкмет інфекцыйных захворванняў не выяўлена.

Пасля перасячэння граніцы грамадзяне Украіны на беларускіх аўтобусах у суправаджэнні супрацоўнікаў ДАІ па аўтамагістралях былі дастаўлены ў пункт пропуску «Новая Гута» (з украінскага боку «Новыя Ярылавічы»). Там яны прайшлі аналагічныя віды кантролю, пра што устаноўленым парадкам быў паінфармаваны украінскі бок.