Жыхары прыгранічча дапамаглі затрымаць парушальніка з Турцыі
Днём 6 красавіка жыхары прыгранічнай вёскі Гродзенскага раёна паведамілі пагранічнікам, што бачылі падазронага чалавека, які ішоў у бок пункта пропуску "Брузгі". На пазначанае месца неадкладна выехала трывожная група. Падарожжа «турыста» скончылася затрыманнем пры спробе пераадолець сігналізацыйны комплекс.
Фота носіць ілюстрацыйны характар
Праведзенае разбіральніцтва паказала, што затрыманы – грамадзянін Турцыі, які прыбыў у Беларусь самалетам. Ён меў намер трапіць у краіны Еўрасаюза незаконным шляхам.
Правапарушальнік дастаўлены ў ізалятар часовага ўтрымання Гродзенскай пагранічнай групы. Распачаты адміністрацыйны працэс за незаконнае перасячэнне граніцы і парушэнне пагранічнага рэжыму. Замежніку пагражае дэпартацыя з забаронай уезду ў краіну да 5 гадоў.
Сачыце за актуальнай інфармацыяй на тэлеграм-канале Дзяржпагранкамітэта.