У літоўскім пункце пропуску «Шальчынінкай» ( «Беняконі») аднавіўся рух грузавікоў
17 сакавіка з 10 раніцы па беларускім часе перасячэнне граніцы грузавымі транспартнымі сродкамі ў пункце пропуску «Шальчынінкай» (з беларускага боку «Беняконі») аднавілася. Пра гэта паведамілі ў Дзяржаўным мытным камітэце Беларусі.
Фота носіць ілюстрацыйны характар
Рэкамендуем грузаперавозчыкам ўлічваць дадзеную інфармацыю пры планаванні маршруту праз беларуска-літоўскую граніцу, бо перад пунктамі пропуску “Каменны Лог” і “Прывалка” па стане на 14.30 налічваецца больш за 600 і 300 грузавікоў адпаведна.
За становішчам перад пунктамі пропуску можна сачыць онлайн на інтэрнэт-партале Дзяржпагранкамітэта.
Нагадваем, што раней у сувязі з неспрыяльнай эпідэміялагічнай сітуацыяй Урад Літвы абвясціў каранцін і ўсталявала шэраг абмежаванняў на перасячэнне дзяржаўнай граніцы.
Сачыце за зменамі парадку перасячэння граніцы і рэжыме працы пунктаў пропуску на інтэрнэт-партале, у акаўнтах соцсетак і тэлеграм-канале Дзяржпагранкамітэта.