Навіны

Спрабавалі парушыць граніцу: адзін ішоў да дзяўчыны, другі - за лепшым жыццем

20.01.2020
Спрабавалі парушыць граніцу: адзін ішоў да дзяўчыны, другі - за лепшым жыццем

У мінулыя пятніцу і суботу пагранічнікі затрымалі дваіх парушальнікаў, якія планавалі незаконна перасекчы дзяржграніцу. Першы меў намер прабрацца ва Украіну, другі –

у Польшчу .

Днем 17 студзеня ў Пінску быў выяўлены іншаземец без дакументаў. Падчас разбору пагранічнікі ўстанавілі, што ён з'яўляецца грамадзянінам Ірана, а ў Беларусі знаходзіцца незаконна – тэрмін дзеяння візы скончыўся больш за паўмесяца таму.

У наступным, сярод асабістых рэчаў затрыманага, былі выяўленыя GPS-навігатар, смартфон з пракладзенымі маршрутамі за граніцу, грошы і іншыя прадметы. Са слоў іранца, ён планаваў трапіць ва Украіну, а ў далейшым – у краіны Еўрасаюза ў пошуках лепшых умоў жыцця.

Ноччу 18 студзеня ў Бераставіцкім раёне ўжо ля беларуска-польскай граніцы ў выніку спрацоўкі сігналізацыйнага комплексу затрыманы грамадзянін Афганістана. У замежніка былі з сабой зменныя рэчы, ежа і мабільны тэлефон з электроннымі картамі прыгранічча.

Мужчына прызнаўся, што планаваў парушыць граніцу ў Польшчу для далейшага пераезду ў Германію ці Вялікабрытанію. Ён распавёў, што прыляцеў у Беларусь з ААЭ і вырашыў адправіцца ў Еўропу, дзе яго чакаюць сябры і дзяўчына.

У дачыненні да абодвух затрыманых пачаты адміністрацыйны працэс за незаконнае перасячэнне граніцы і парушэнне правілаў знаходжання. Акрамя таго, афганец будзе прыцягнуты да адказнасці за парушэнне пагранічнага рэжыму. Іх чакае дэпартацыя з забаронай уезду ў краіну да 5-ці гадоў.