Навіны

«Рыбак» з картай Польшчы затрыманы каля Брэсцкай крэпасці

16.12.2019

14 снежня на ўскраіне Брэста грамадзянін Украіны паспрабаваў парушыць беларуска-польскую граніцу.

«Рыбак» з картай Польшчы затрыманы каля Брэсцкай крэпасці

35-гадовы жыхар Валынскай вобласці пералез праз сігналізацыйны комплекс і выйшаў да берага Буга ў раёне Брэсцкай крэпасці. Не наважыўшыся ўвайсці ў раку, мужчына вырашыў вярнуцца і паўтарыць спробу пазней, аднак быў затрыманы брэсцкімі пагранічнікамі. 

Парушальнік паспрабаваў пераканаць вайскоўцаў, што мэтай яго прагулкі была рыбалка. Тым не менш, запіс з камеры відэаназірання і выяўленая ў мужчыны карта прылеглых да граніцы раёнаў Польшчы сведчаць аб яго сапраўдным намеры.

У цяперашні час замежнік знаходзіцца ў ІЧУ Брэсцкай пагрангрупы. У дачыненні да яго распачаты адміністрацыйны працэс за спробу незаконнага перасячэння дзяржаўнай граніцы і парушэнне пагранічнага рэжыму. Затрыманага чакае дэпартацыя з забаронай уезду ў Беларусь да 5 гадоў.