Навіны

Незаконныя размовы аб рыбалцы: на возеры паміж Беларуссю і Літвой затрыманы парушальнік

13.12.2019

Днём 12 снежня полацкія пагранічнікі каля возера Опіварда затрымалі невядомага. Мужчына на гумавай лодцы з маторам прычаліў да беларускага берага, дзе яго ўжо чакаў пагранічны нарад.

Незаконныя размовы аб рыбалцы: на возеры паміж Беларуссю і Літвой затрыманы парушальнік Фота носіць ілюстрацыйны характар

Затрыманым аказаўся 35-гадовы жыхар Паставаў. Пры ім былі выяўлены тэлефон, радыёстанцыя, пропуск у пагранпаласу, надзіманая лодка, падвесны электрарухавік і акумулятар.

Парушальнік патлумачыў свае дзеянні тым, што ўбачыў рыбака на процілеглым беразе вадаёма і проста вырашыў падысці да яго для размовы.

У дачыненні да затрыманага распачаты адміністрацыйны працэс за спробу незаконнага перасячэння граніцы і парушэнне пагранрэжыму.


Фота: belarus.by