«Еду на пахаванне». Украінец падманам спрабаваў апраўдаць парушэнне граніцы
Раніцай 20 лістапада ў пункце пропуску «Макраны» пагранічнікі затрымалі грамадзяніна Украіны з чужым пашпартам. Мужчына патлумачыў свае незаконныя дзеянні бояззю спазніцца на пахаванне маці.
![«Еду на пахаванне». Украінец падманам спрабаваў апраўдаць парушэнне граніцы «Еду на пахаванне». Украінец падманам спрабаваў апраўдаць парушэнне граніцы](/upload/iblock/363/363028d8ae0c50b953aa6b7bba499679.jpg)
Жыхар Закарпацкай вобласці заявіў, што свой пашпарт страціў у Расіі. У мужчыны, з яго слоў, не было іншага спосабу для вяртання ва Украіну акрамя як «пазычыць» дакумент у знаёмага.
Аднак неўзабаве было ўстаноўлена, што апраўданне парушальніка апынулася хлуснёй – бацькоў 43-гадовага ўкраінца няма ў жывых ужо больш за два гады.
Затрыманы аформлены парушальнікам дзяржаўнай граніцы і правілаў знаходжання. Да завяршэння разбіральніцтва мужчына будзе знаходзіцца ў ІЧУ Брэсцкай пагранічнай групы.