У Мінску адбылося пашыранае пасяджэнне калегіі Дзяржпагранкамітэта

Удзельнікі калегіі разгледзелі вынікі ажыццяўлення пагранічнага кантролю ў перыяд правядзення II Еўрапейскіх гульняў у г. Мінску, а таксама летняга турыстычнага сезону. Напярэдадні галоўнага спартыўнага мерапрыемства года Дзяржпагранкамітэт прыняў удзел у падрыхтоўцы нарматыўных прававых актаў, якія рэгламентуюць парадак бязвізавага ўезду, выезду і часовага знаходжання на тэрыторыі Рэспублікі Беларусь замежных грамадзян на перыяд правядзення Гульняў. У пунктах пропуску праведзена мадэрнізацыя і пераабсталяванне комплексу сродкаў аўтаматызацыі аўтаматызаванай сістэмы пагранічнага кантролю «Беркут-Б», таксама дапрацавана праграмна-прыкладное забеспячэнне аўтаматызаванай сістэмы пагранічнага кантролю для забеспячэння бязвізавага ўезду ўдзельнікаў Гульняў і замежных турыстаў. У мэтах ажыццяўлення прыярытэтнага пропуску гасцей і ўдзельнікаў Гульняў у асноўных аўтадарожных пунктах праведзена работа па ўдасканаленні іх інфраструктуры і аснашчэнню сучаснымі тэхнічнымі сродкамі пагранічнага кантролю. 

Да забеспячэння пропуску гасцей і ўдзельнікаў у наземных пунктах пропуску было прыцягнута больш за 120 валанцёраў і больш за 160 - у Нацыянальным аэрапорце «Мінск». У асноўных пунктах пропуску ўпершыню задзейнічаны рэзерв з курсантаў афіцэраў-выпускнікоў Інстытута пагранічнай службы. Больш за 230 пагранiчнікаў павысілі свой узровень англійскай мовы ў цэнтры падрыхтоўкі спецыялістаў пагранічнага кантролю Інстытута.

Яшчэ напярэдадні летняга турыстычнага сезону на сумеснай з Міністэрствам спорту і турызму нарадзе з удзелам службовых асоб зацікаўленых дзяржорганаў, упраўленняў спорту і турызму аблвыканкамаў, а таксама турыстычных аператараў былі разгледжаны найбольш праблемныя пытанні перасячэння дзяржаўнай гранiцы фізічнымі асобамі, а таксама прапановы па парадку ўзаемадзеяння дзяржаўных органаў і турыстычных аператараў у гэты перыяд, у тым ліку з мэтай размеркавання патокаў турыстычных аўтобусаў па ўсіх функцыянуючых пунктах пропуску.

У тэрытарыяльных органах пагранслужбы былі своечасова прынятыя меры па забеспячэнню рытмічнага пропуску праз гранiцу прыбываючых турыстычных аўтобусаў. Канкрэтным вынікам гэтага стала адсутнасць скаргаў на дзеянні супрацоўнікаў органаў пагранiчнай службы і функцыянаванне саміх аўтадарожных пунктаў пропуску.

У ходзе калегіі таксама былі падведзены прамежкавыя вынікі аператыўна-службовай дзейнасці органаў пагранiчнай службы. Так, за 8 месяцаў 2019 года праз беларускую гранiцу прапушчана каля 18 млн. чалавек, што на 0,9% больш за паказчык аналагічнага перыяду мінулага года.

Тэрытарыяльнымі органамі пагранiчнай службы за студзень-жнівень 2019 гады затрымана 230 парушальнікаў гранiцы, у тым ліку 26 - у пунктах пропуску. Большасць парушальнікаў, амаль 70%, затрымана за парушэнне гранiцы з Рэспублікі Беларусь. У 65-ці выпадках выяўляліся наркатычныя сродкі, псіхатропныя рэчывы і іх прэкурсоры (у 2018 г. - 43 выпадкі), павелічэнне склала больш 51,2%. Агульная вага канфіскаванага склала 1054,6 кг (у 2018 г. - 449,11 кг) - павелічэнне амаль 140%.

Доля выяўленай і затрыманай зброі на ўкраінскім напрамку застаецца даволi вялікай. Так, за ўвесь 2018 год беларускімі пагранiчнікамі з незаконнага абароту і пры перамяшчэнні праз дзяржаўную гранiцу канфіскавана больш за 170 адзінак рознай зброі. Пры гэтым амаль 80 адзінак выяўлена менавіта на ўкраінскім напрамку, што складае амаль 50% ад агульнага аб'ёму. За 8 месяцаў 2019 года супрацоўнікамі пагранiчнай службы выяўлена і канфіскавана з незаконнага абароту і пры перамяшчэнні праз дзяржаўную гранiцу на гэтым напрамку больш за 60 адзінак зброі.

Такія лічбы даюць усе падставы меркаваць, што рызыкі перамяшчэння зброі праз гранiцу з Украінай на сеннiшнi час захоўваюцца на дастаткова высокім узроўні і ў агляднай будучыні працягнуць аказваць істотны ўплыў на становішча ў сферы забеспячэння нацыянальнай бяспекі.

Усяго ж з 2014 года з незаконнага абароту і пры перамяшчэнні праз дзяржаўную гранiцу з Украінай органамі пагранiчнай службы Рэспублікі Беларусь канфіскавана больш за 500 адзінак рознай зброі.

Яшчэ адным пытаннем пасяджэння калегіі сталі вынікі рэалізацыі адукацыйных праграм вышэйшай адукацыі ў Інстытуце пагранічнай службы і асноўныя напрамкі развіцця падрыхтоўкі кадраў, якія ў сваім дакладзе выклаў начальнік Інстытута палкоўнік Сяргей Жылінскі.

Удзельнікі калегіі таксама разгледзелі пытанні функцыянавання аўтаматызаванай сістэмы інфармацыйнага забеспячэння органаў пагранiчнай службы і абмеркавалі далейшыя шляхі яе развіцця. У завяршэнне мерапрыемства былі адзначаны вайскоўцы, якія вызначыліся.