У пункце пропуску «Новая Гута» затрыманы грамадзянін Украіны, якi перавозіў наркотыкі
16 верасня ў пункце пропуску «Новая Гута» пры афармленні на ўезд у Беларусь рэйсавага аўтобуса паведамленнем «Кіеў-Талін» пагранічны нарад з прымяненнем службовага сабакі выявіў наркотыкі.
Паміж сядзеннямі на падлозе быў знойдзены ручной ліхтар, у якім замест элементаў харчавання знаходзіўся скрутак з рэчывам расліннага паходжання масай 0,32 грама. Яго ўладальнікам аказаўся адзін з пасажыраў - 32-гадовы грамадзянін Украіны, які прызнаўся ва ўжыванні наркотыкаў. Падчас далейшага агляду аўтобуса пагранічнікі выявілі металічную трубку для курэння, заматаную ў шкарпэтку.
Па заключэнні спецыялістаў Дзяржаўнага камітэта судовых экспертыз, канфіскаванае рэчыва з'яўляецца асабліва небяспечным наркатычным сродкам марыхуанай.
У дачыненні да жыхара Закарпацкай вобласці органам дазнання Гомельскай пагранiчнай групы ўзбуджана крымінальная справа па ч.1 ст.328-1 (незаконнае перамяшчэнне праз Дзяржаўную гранiцу Рэспублікі Беларусь наркатычных сродкаў, псіхатропных рэчываў або іх прэкурсораў або аналагаў) Крымінальнага кодэкса Беларусі. Замежнаму грамадзяніну, перададзенаму супрацоўнікам Следчага камітэта, пагражае да сямі гадоў пазбаўлення волі.