За фотаздымку паграннаряда жыхар Воранаўскага раёна прыцягнуты да адказнасці

У канцы ліпеня гродзенскія пагранічнікі паблізу н. п. Дварчаны Воранаўскага раёна на тэрыторыі пагранічнай зоны выявілі дваіх невядомых з прыборам начнога назірання, радыёстанцыяй і мабільным тэлефонам. Яны накіроўваліся ў пагранічную паласу ў абыход устаноўленых для гэтага месцаў, нібыта, за грыбамі.

У ходзе вядзення адміністрацыйнага працэсу за парушэнне пагранічнага рэжыму ў канфіскаваным у жыхароў Воранаўскага раёна смартфоне выяўлены 4 фатаграфіі аўтамабіля аператыўнага прызначэння органаў пагранічнай службы, якія былі знятыя ў пагранзоне і дасланы напярэдадні.

У ходзе далейшых мерапрыемстваў быў усталяваны і аўтар фота. Ім аказаўся 25-гадовы жыхар в. Ліпкунцы Воранаўскага раёна. Малады чалавек сфатаграфаваў пагранічны нарад без дазволу, чым парушыў беларускае заканадаўства аб дзяржаўнай граніцы.

У выніку «фатограф» таксама аформлены парушальнікам пагранічнага рэжыму за невыкананне патрабаванняў, выкладзеных у абзацы 2 часткі 4 артыкула 37-1 Закона Рэспублікі Беларусь “Аб Дзяржаўнай граніцы Рэспублікі Беларусь”. Адказнасць за дадзенае парушэнне прадугледжвае штраф да 1275 рублёў, а за паўторнае – да 2550 рублёў.