Гідракасцюм, радыёстанцыя і ласты: падводны «паляўнічы» затрыманы каля латвійскай граніцы
28 жніўня на беразе ракі Заходняя Дзвіна ў Браслаўскім раёне ў ходзе рэалізацыі аператыўных звестак супрацоўнікі Полацкага пагранатрада выявілі парушальніка дзяржаўнай граніцы. Трывожная група заставы «Друя» спыніла невядомага ў 300-х метрах ад латвійскай тэрыторыі.
Як высветлілася пазней, затрыманым аказаўся 47-гадовы грамадзянін Беларусі. Ён быў апрануты ў гідракасцюм, з сабой меў радыёстанцыю і ласты. Неабходных дакументаў на права знаходжання ў пагранічнай паласе ў жыхара Браслава не аказалася.
Ён растлумачыў, што проста займаўся падводным паляваннем, аднак пагранічнікі, улічваючы ўсе абставіны, усталявалі, што такая легенда не адпавядае рэчаіснасці.
За спробу незаконнага перасячэння граніцы і парушэнне пагранічнага рэжыму ў дачыненні да правапарушальніка распачаты адміністрацыйны працэс. Санкцыя кожнага з артыкулаў прадугледжвае штраф да 50 базавых велічынь.