Кіраўнікі пагранічных ведамстваў Беларусі і Казахстана абмеркавалі пытанні двухбаковага ўзаемадзеяння
22 жніўня ў Алматы адбылася рабочая сустрэча Старшыні Дзяржпагранкамітэта Рэспублікі Беларусь генерал-маёра Анатоля Лапо і Намесніка Старшыні Камітэта нацыянальнай бяспекі Рэспублікі Казахстан – Дырэктара Пагранічнай службы генерал-маёра Дархана Дзільманава.
Кіраўнікі пагранічных ведамстваў абмяняліся думкамі аб становішчы на дзяржаўнай граніцы, наяўных тэндэнцыях яе развіцця, пагрозах і праблемных пытаннях, якія аказваюць уплыў на стан пагранічнай бяспекі. Таксама ў рамках сустрэчы адбыўся абмен вопытам па напрамках аператыўна-службовай дзейнасці пагранічных ведамстваў, што ўяўляюць узаемную цікавасць, у тым ліку, разгледжаны пытанні па арганізацыі пешаходнага руху ў аўтадарожных пунктах пропуску праз дзяржаўную граніцу.
У ходзе візіту беларуская дэлегацыя наведала Акадэмію Пагранічнай службы КНБ Рэспублікі Казахстан, а таксама завод пагранслужбы, які ажыццяўляе рамонт сваімі сіламі стралковага ўзбраення і аптычных прыбораў, аўтамабільнай тэхнікі, а таксама вытворчасць нестандартнага абсталявання.
Сустрэча прайшла ў атмасферы ўзаемаразумення і канструктыўнага супрацоўніцтва.