Навіны

Пінскія пагранічнікі пры спробе парушэння граніцы затрымалі грамадзяніна Беларусі, які знаходзіўся ў вышуку

05.08.2019
Пінскія пагранічнікі пры спробе парушэння граніцы затрымалі грамадзяніна Беларусі, які знаходзіўся ў вышуку Фота носіць ілюстрацыйны характар

2 жніўня сігналізацыйны комплекс на заставе "Дзівін» даў спрацоўку аб руху чалавека. Пагранічны нарад, які выехаў на паказаны ўчастак, выявіў сляды аднаго невядомага, якія вялі ў напрамку ўкраінскай тэрыторыі. Праз некалькі хвілін пры спробе незаконнага перасячэння граніцы быў затрыманы 24-гадовы жыхар Брэсцкай вобласці.

У ходзе вядзення адміністрацыйнага працэсу ўстаноўлена прычына яго незаконных дзеянняў. Малады чалавек ухіляецца ад следства па справе, звязанай з артыкулам 328 Крымінальнага кодэкса (незаконны абарот наркатычных сродкаў, псіхатропных рэчываў, іх прэкурсораў і аналагаў).

Пасля прыцягнення да адказнасці за спробу парушэння дзяржаўнай граніцы і пагранічнага рэжыму затрыманы ў рамках арганізаванага ўзаемадзеяння перададзены супрацоўнікам Кобрынскага РАУС.