Пагранiчнікі заставы «Кіраў» засяліліся ў новыя кватэры
![Пагранiчнікі заставы «Кіраў» засяліліся ў новыя кватэры Пагранiчнікі заставы «Кіраў» засяліліся ў новыя кватэры](/upload/resize_cache/iblock/485/900_506_10ef449b14267add9b640f6e277110bf9/4859ae8593483f4085a5abb31d162bd8.jpg)
У аграгарадку Кіраў Нараўлянскага раёна адбылося ўрачыстае адкрыццё шматкватэрнага жылога дома для вайскоўцаў пагранiчнай заставы.
Жылы комплекс пабудаваны па праграме «Удасканаленне пагранiчнай бяспекі Саюзнай дзяржавы» на перыяд 2017-2021 гадоў.
Пагранiчнікі засяліліся ў цалкам гатовае да пражывання жыллё. Тут ёсць мэбля і сучасная бытавая тэхніка. На тэрыторыі каля дома для жыхароў абсталявана зона адпачынку, паркоўка і дзіцячая пляцоўка.
У адкрыцці інтэрната прынялі ўдзел начальнік Мазырскага пагранічнага атрада палкоўнік Алег Эйбатаў, начальнік механізаванай калоны - 43 ААТ «Гомельскі аб'яднаны будаўнічы трэст» Юрый Баеў і настаяцель храма Святога Архістратыга Міхаіла аграгарадка Кіраў іерэй Павел.
Гэта ўжо другі па ліку дом, які пабудаваны для Мазырскiх пагранiчнікаў. Усяго ж запланавана здача трох жылых комплексаў.