Навіны

Двое грамадзян Расіі затрыманыя пры спробе парушэння беларуска-літоўскай гранiцы

19.06.2019
Двое грамадзян Расіі затрыманыя пры спробе парушэння беларуска-літоўскай гранiцы
Увечары 18 чэрвеня на пульт дзяжурнага заставы «Астравецкая» паступіў сігнал спрацоўкі сігналізацыйнага комплексу. На адным з участкаў трывожная група выявіла дарожку слядоў у напрамку беларуска-літоўскай гранiцы.

У хуткім часе ў 50 метрах пагранiчнікі затрымалі двух грамадзян Расіі 1987 і 1993 гг.н. Маладыя людзі прызналіся, што планавалі незаконна трапіць у краіны Еўрасаюза ў пошуках лепшых умоў жыцця. Розныя хітрасці, якія яны спрабавалі прымяніць падчас спробы трапiць на літоўскую тэрыторыю, не дапамаглі ім дасягнуць жаданай мэты.

Замежныя грамадзяне аформлены парушальнікамі гранiцы і пагранічнага рэжыму і змешчаны для разбiральнiцтва ў ІЧУ. З пачатку 2019 года на ўчастку Смаргонскай пагранічнай групы за замах на незаконнае перасячэнне грнiцы прыцягнута да адказнасці 15 чалавек.