За мінулыя выхадныя на граніцы Беларусі канфіскаваны патроны і спецсродкі
Фота носіць ілюстрацыйны характар
Беларускія пагранічнікі прадухілілі некалькі спробаў незаконнага перамяшчэння праз граніцу боепрыпасаў і спецыяльных сродкаў на розных напрамках.
20 красавіка ў пункце пропуску “Тамашоўка” пагранічнікі затрымалі грамадзяніна Украіны, у аўтамабілі якога былі выяўлены газавы балончык і дубінка.
Увечары 21 красавіка тут жа пры аглядзе легкавога аўтамабіля ўкраінца выяўлены электрашокер. Аналагічныя выпадкі адбыліся ў ноч з нядзелі на панядзелак у «Урбанах» і «Казловічах». Уладальнікамі спецсродкаў апынуліся грамадзяне Эстоніі і Беларусі.
У гэты ж дзень у пункце пропуску «Дамачава» пры аглядзе аўтамабіля пад кіраваннем беларуса выяўлены 20 патронаў да траўматычнай зброі.
Боепрыпасы і спецсродкі перададзены супрацоўнікам мытні.