Навіны

Спроба схавацца ад пагранічнікаў скончылася затрыманнем

18.02.2019
Спроба схавацца ад пагранічнікаў скончылася затрыманнем Фота носіць ілюстрацыйны характар
16 лютага каля 3 гадзін раніцы на 19-м кіламетры дарогі Брэст - Тамашоўка, пагранічны нарад спыніў аўтамабіль Audi. Пры праверцы дакументаў кіроўцы – жыхара Брэсцкага раёна – высвятлілася, што ў мужчыны няма падстаў на права знаходжання ў пагранічнай зоне.

Зразумеўшы, што парушэнне заканадаўства аб дзяржаўнай граніцы пацягне за сабой адказнасць, правапарушальнік паспрабаваў схавацца ад праваахоўнікаў.
У выніку паездка 30-гадовага мужчыны скончылася яго затрыманнем і прыцягненнем да адміністрацыйнай адказнасці не толькі за парушэнне пагранічнага рэжыму, але і за непадпарадкаванне законнаму патрабаванню службовай асобы пры выкананні ім службовых паўнамоцтваў.
Правапарушальнік ужо аштрафаваны на 13 базавых велічынь за парушэнне пагранічнага рэжыму. Невыкананне законных патрабаванняў у адпаведнасці з артыкулам 23.4 КаАП Рэспублікі Беларусь цягне за сабой адказнасць у выглядзе штрафу ў памеры ад 2 да 50 базавых велічынь або адміністрацыйны арышт.