Баннеры на главную бел

Грамадзянка Сьера-Леонэ спрабавала ўехаць у Беларусь па пашпарце сястры-блізнюка

19.02.2019
Грамадзянка Сьера-Леонэ спрабавала ўехаць у Беларусь па пашпарце сястры-блізнюка Фота носіць ілюстрацыйны характар
15 лютага ў Нацыянальным аэрапорце Мінск пры афармленні пасажыраў рэйса «Багдад - Мінск» была выяўлена 27-гадовая грамадзянка Сьера-Леонэ.

Маладая жанчына прад'явіла на пагранічны кантроль пашпарт, які ёй не належыў. Высветлілася, што дакумент яна ўзяла ў сваёй сястры-блізнюка, бо яе пашпарт быў не ў парадку.

Замежная грамадзянка аформлена парушальнікам граніцы і перададзена супрацоўнікам міліцыі.

На наступны дзень брэсцкія пагранічнікі затрымалі яшчэ аднаго грамадзяніна Сьера-Леонэ. У цягніку паведамленнем «Масква-Варшава» быў выяўлены 20-гадовы жыхар заходне-афрыканскай краіны, у якога адсутнічала беларуская віза. Па дадзеным факце распачаты адміністрацыйны працэс па арт. 23.55 КаАП Рэспублікі Беларусь (парушэнне правілаў знаходжання). Замежны грамадзянін затрыманы для далейшага разбіральніцтва.