Навіны

Грамадзянін Манголіі спрабаваў незаконна трапіць у Еўрасаюз

17.01.2019
Грамадзянін Манголіі спрабаваў незаконна трапіць у Еўрасаюз Фота носіць ілюстрацыйны характар
15 студзеня ў Астравецкiм раёне ў 700 метрах ад гранiцы на падставе аператыўнай інфармацыі быў затрыманы 30-гадовы грамадзянін Манголіі.

Мужчына спрабаваў нелегальна трапіць на тэрыторыю Літвы. Паводле яго слоў, у краіне Еўрасаюза ён намераваўся папрасіць статус бежанца і тым самым палепшыць сваю жыццёвую сітуацыю.

Замежны грамадзянін змешчаны ў ізалятар часовага ўтрымання Смаргонскай пагранiчнай групы. Распачаты адміністрацыйны працэс за наўмыснае незаконнае перасячэнне гранiцы і парушэнне пагранічнага рэжыму. Праводзіцца далейшае разбіральніцтва.