У аўто на лафеце пагранічнікі выявілі падазронае рэчыва
Інцыдэнт адбыўся 22 студзеня ў пункце пропуску Беняконі на граніцы з Літвой.
Пагранічны нарад са службовым сабакам падчас агляду салона Шэўрале, які перавазілі на прычэпе-лафеце, выявіў пад сядзеннем рэчыва, падобнае на марыхуану.
За рулём грузавіка знаходзіўся грамадзянін Беларусі, які ўвозіў аўтамабіль з Літвы.
Звяртаем увагу асоб, якія ажыццяўляюць перавозку транспартных сродкаў праз граніцу, на неабходнасць дбайнай праверкі салонаў аўтамабіляў.
Няўважлівасць можа нанесці не толькі матэрыяльную шкоду, але і абярнуцца прыцягненнем да крымінальнай адказнасці.
Летась зафіксаваны тры аналагічныя выпадкі. Аўтамабілі набываліся на заходніх аўтааўкцыёнах і ў далейшым увозіліся ў нашу краіну на лафетах.
Усяго за 2022 год пагранічнікамі канфіскавана больш за 167 кг наркотыкаў.