Адбылося ўрачыстае адкрыццё пагранічнай заставы «Глушкевічы»
30 чэрвеня адбылося адкрыццё пагранічнай заставы «Глушкевічы» Мазырскага пагранічнага атрада. Ва ўрачыстай цырымоніі прынялі ўдзел Старшыня Дзяржаўнага пагранічнага камітэта генерал-лейтэнант Анатоль Лапо, Генеральны пракурор Рэспублікі Беларусь Андрэй Швед, намеснік Прэм'ер-міністра Рэспублікі Беларусь Анатоль Сівак, старшыня Гомельскага абласнога выканаўчага камітэта Генадзь Салавей, дэпутат Палаты прадстаўнікоў Нацыянальнага сходу Рэспублікі Беларусь Аляксандр Маркевіч.
«Сёння пагранічная застава «Глушкевічы» – гэта ўзор комплекснага прымянення разнастайных сіл і сродкаў у ахове рубяжоў Беларусі. Яна займае асаблівае месца ў забеспячэнні пагранічнай бяспекі на беларуска-ўкраінскім участку граніцы», – адзначыў Анатоль Лапо. «У ходзе будаўніцтва былі ўлічаны пажаданні ваеннаслужачых і рэалізаваны сучасныя падыходы да арганізацыі пагранічнай службы і паўсядзённым жыцці пагранічнікаў», – сказаў кіраўнік пагранічнага ведамства.
Падраздзяленне пачало ахову граніцы з Украінай яшчэ 26 ліпеня 2016 года. Першапачаткова ваеннаслужачыя размяшаліся ў намётавым мястэчку ў н.п. Глушкавічы, а для службовых памяшканняў выкарыстоўваўся былы будынак лазні. Ужо ў чэрвені 2017 года на тэрыторыі намётавага лагера быў размешчаны модульны комплекс, які ўключыў у сябе спальныя памяшканні, абедзенную зала, канцылярыю камандзіра падраздзялення. У былым будынку лазні абсталявалі пакой вольнага часу і інфармацыі, кухню, складскія і бытавыя памяшканні.
Будаўніцтва новага комплексу пагранічнай заставы "Глушкевічы" пачалося ў 2020 годзе ў рамках праграмы "Удасканаленне пагранічнай бяспекі Саюзнай дзяржавы".
Сёння тут створаны ўсе неабходныя ўмовы для камфортнага пражывання і эфектыўнага выканання службовых задач. У памяшканнях ўстаноўлена сучасная бытавая тэхніка і мэбля. На тэрыторыі падраздзялення абсталяваны месцы для захоўвання і рамонту тэхнікі, гадавальнік для службовых сабак, а для правядзення заняткаў з вайскоўцамі пабудаваны гарадок пагранічнай службы і спартыўныя аб'екты.
Застава ахоўвае ўчастак дзяржаўнай граніцы з Украінай працягласцю каля 50 кіламетраў. У мінулым годзе тут завершана дэмаркацыя. На ўчастку знаходзіцца міждзяржаўны пункт пропуску "Глушкевічы".
Значная частка дзяржграніцы абсталявана інтэграванай сістэмай аховы граніцы.
На ўзбраенні пагранічнікаў розныя прыборы назірання, сігналізацыйнага прыборы, службовы транспарт, у тым ліку квадрацыклы. У ахове граніцы рэгулярна ўжываецца аўтажыр. Надзейны кантроль аддаленых і цяжкадаступных участкаў забяспечваюць два аўтаматызаваных паста тэхнічнага назірання. Праграмна-апаратны комплекс «MotoTRBO» забяспечвае ваеннаслужачых устойлівай лічбавай радыёсувяззю з адлюстраваннем усёй інфармацыі на электронна-лічбавай карце.
На ўчастку створаны дзве добраахвотныя дружыны і атрад юных сяброў пагранічнікаў.
У 2020 годзе і за 5 месяцаў 2021 года падраздзяленнем затрымана 6 парушальнікаў граніцы, 34 парушальнікі пагранічнага рэжыму, а таксама матэрыяльных каштоўнасцяў на агульную суму больш за 40 тыс. бел. руб.
У завяршэнні ўрачыстай цырымоніі ў год 80-годдзя подзвігу пагранічнікаў у першых баях Вялікай Айчыннай вайны ваеннаслужачыя заставы «Глушкевічы» заклалі капсулу з пасланнем вартавым граніцы 2041 года.