Навіны

У Мінску прайшоў чэмпіянат органаў пагранічнай службы па рукапашным баі

19.02.2021

З 18 па 19 лютага ў спаборніцтвах прынялі ўдзел 10 каманд тэрытарыяльных органаў пагранслужбы.

У Мінску прайшоў чэмпіянат органаў пагранічнай службы па рукапашным баі

На працягу двух дзён больш за 80 спартсменаў-пагранічнікаў у паядынках дэманстравалі баявыя прыёмы рукапашнага бою. Гэты від спорту з'яўляецца службова-прыкладным, а заняткі рукапашным боем уваходзяць у праграму падрыхтоўкі пагранічнікаў. Судзейства чарговы раз забяспечылі прадстаўнікі Дзяржаўнага пагранічнага камітэта і Цэнтральнага савета БФСТ «Дынама».

У выніку напружанай барацьбы першае агульнакаманднае месца занялі ваеннаслужачыя Мазырскага пагранічнага атрада, другое месца ў гарадзенскіх пагранічнікаў, на трэцім – каманда з Ліды.