Навіны

19 гадоў строгага рэжыму за захоўванне і перасоўванне праз граніцу асабліва небяспечных наркотыкаў і псіхатропаў

05.03.2020
19 гадоў строгага рэжыму за захоўванне і перасоўванне праз граніцу асабліва небяспечных наркотыкаў і псіхатропаў

Уступіў у законную сілу прысуд суда Брэсцкага раёна ў дачыненні да мужчыны, які мае грамадзянства Украіны і Славакіі, за захоўванне і перамяшчэнне праз граніцу асабліва небяспечных наркатычных сродкаў і псіхатропных рэчываў.

У траўні 2019 года іншаземец паспрабаваў незаконна правезці праз пункт пропуску «Дамачава» амаль 70 кілаграм MDMA і 12 кілаграм какаіну. У сваім аўтамабілі Volkswagen ён схаваў небяспечныя рэчывы ў газавым балоне, устаноўленым у багажным аддзяленні і ў паражнінах парогах, якія былі выяўленыя пагранічнікамі падчас паглыбленага надгляду. На «чорным» рынку дадзеная партыя тавару каштуе амаль 2 мільёны еўра. Пры падзеле на разавыя дозы памер партыі MDMA склаў каля 461 тысячы доз, какаіну – каля 35 тысяч.

Замежны грамадзянін прызнаны вінаватым па ч.3 арт.328 і ч.2 ст.328-1 (збыт, захоўванне, перавозка асабліва небяспечных наркатычных сродкаў і псіхатропных рэчываў у буйным памеры і перамяшчэнне іх праз мытную граніцу Еўразійскага эканамічнага саюза) Крымінальнага кодэкса Рэспублікі Беларусь. Яму вынесена пакаранне ў выглядзе пазбаўлення волі на 19 гадоў у папраўчай калоніі ва ўмовах строгага рэжыму.