У зону адчужэння за экстрэмальным турызмам: на граніцы з Украінай затрымалі расіяніна
17 жніўня ў Нараўлянскім раёне на тэрыторыі Палескага дзяржаўнага радыяцыйна-экалагічнага запаведніка пагранічнікі затрымалі маладога чалавека са спецыфічнай экіпіроўкай, які накіроўваўся ў бок дзяржаўнай граніцы.
25-гадовы жыхар Хабараўскага краю растлумачыў, што накіроўваўся за вострымі адчуваннямі ва ўкраінскі горад Прыпяць у зону адчужэння Чарнобыльскай АЭС.
З сабой аматар экстрэмальнага турызму ўзяў компас, два тэлефона, палатку, спальны дыванок, цёплыя рэчы, пілу, вяроўку, кацялок і прадукты.
За спробу незаконнага перасячэння граніцы і парушэнне пагранічнага рэжыму грамадзянін Расіі будзе дэпартаваны з краіны з забаронай уезду ў Беларусь на 2 гады.