Нецвярозы кіроўца квадрацыкла затрыманы ў раёне пункта пропуску «Катлоўка»
Днём 29 чэрвеня пагранічнікі звярнулі ўвагу на кіроўцу квадрацыкла, які на вялікай хуткасці манеўраваў паблізу пункта пропуску.
Для прадухілення дарожна-транспартнага здарэння на шляхах міжнароднага паведамлення, пагранічны нарад вырашыў спыніць кіроўцу квадрацыкла. Аднак мужчына паспрабаваў уцячы, але беспаспяхова.
У ходзе праверкі дакументаў затрыманага высветлілася і прычына агрэсіўнага кіравання. Па відавочных прыкметах, 32-гадовы мясцовы жыхар быў нецвярозы.
У дачыненні да правапарушальніка пачаты адміністрацыйны працэс за непадпарадкаванне законнаму патрабаванню службовай асобы. Яму пагражае штраф да 50 базавых велічынь. Акрамя таго, мужчыну чакае прыцягненне да адказнасці па лініі ДАІ за кіраванне транспартным сродкам у стане алкагольнага ап'янення.