Польскія сілавікі выкінулі яшчэ адзін труп бежанца
Палітыка польскіх уладаў, якая ўзаконіла жорсткае абыходжанне з бежанцамі, працягвае забіваць людзей.
4 лютага за пяць метраў ад загарод на граніцы з Польшчай беларускі пагранічны нарад знайшоў труп іншаземца, як мяркуецца, грамадзяніна Ірака 2001 года нараджэння.
Цела мужчыны знаходзілася ў непасрэднай блізкасці ад водаспуску ў польскай загародзе. Рашоткі, якія зачыняюць тэхналагічную адтуліну, маюць магчымасць паднімацца з польскага боку.
Паводле папярэдніх звестак, менавіта праз водаспуск труп быў перамешчаны на беларускую тэрыторыю.
З пачатку міграцыйнага крызісу на граніцы з Польшчай гэта дванаццатая смерць бежанца ў выніку дзеянняў польскіх сілавікоў.