Іншаземцам дазволілі транзіт праз пагранзону да некаторых тураб'ектаў без пропуску
Рашэннямі Віцебскага, Брэсцкага і Гомельскага абласнога выканаўчага камітэта па прапанове органаў пагранічнай службы вызначаны маршруты для наведвання іншаземцамі турыстычных аб'ектаў у пагранічнай зоне/паласе без прадастаўлення пропуску.
Іншаземным грамадзянам для бесперашкоднага праезду па гэтых маршрутах да месца адпачынку ў пагранічнай зоне або паласе спатрэбіцца толькі пашпарт.
Праезд да тураб'екта дазволены ўстаноўленымі найкарацейшымі шляхамі па аўтадарогах агульнага прызначэння, чыгунках і водных маршрутах.
Таксама, пры транзіце праз пагранзону дазваляецца наведваць аб'екты прыдарожнага сервісу.