Гродзенскія пагранічнікі затрымалі боепрыпасы ў аўто на лафеце
У пункт пропуску Прывалка 17 мая з Літвы прыбыў грузавы аўтамабіль з прычэпам-лафетай. Падчас праверкі транспартных сродкаў у салоне і багажным аддзяленні легкавога аўтамабіля маркі «Сhevrolet» знойдзена 10 патронаў рознай маркіроўкі.
Прызначана правядзенне балістычнай экспертызы.
Усе аўтамабілі, якія перамяшчаліся на аўтавозе, былі набыты на аўкцыёнах ЗША або Канады і перавозіліся з тэрыторыі Літвы ў Беларусь.
Звяртаем увагу індывідуальных прадпрымальнікаў і юрыдычных асоб, якія ажыццяўляюць перавозку транспартных сродкаў праз граніцу, на неабходнасць праверкі салонаў аўтамабіляў.
Няўважлівасць пры транспарціроўцы такіх аўто не толькі стварае цяжкасці пры перасячэнні граніцы і наносіць урон дзелавой рэпутацыі перавозчыкаў, але і можа абярнуцца прыцягненнем да крымінальнай адказнасці.
Нагадваем, што за незаконнае перамяшчэнне праз мытную граніцу Еўразійскага эканамічнага саюза або Дзяржаўную граніцу Рэспублікі Беларусь агнястрэльнай зброі, боепрыпасаў, выбуховых рэчываў пагражае пазбаўленне волі да 12 гадоў.
