Дзяржпагранкамітэт адкрыты для дыялогу па рашэнні праблем бежанцаў
У Мінску 23 лістапада адбылася сустрэча старшыні Дзяржпагранкамітэта Беларусі генерал-лейтэнанта Анатоля Лапо з рэгіянальным дырэктарам Міжнароднай арганізацыі па міграцыі (МАМ) па краінах Паўднёва-Усходняй і Усходняй Еўропы, а таксама Цэнтральнай Азіі спадарыняй Рэнатай Хельд і намеснікам дырэктара Бюро Еўропы Упраўлення Вярхоўнага Камісара па справах бежанцаў Арганізацыі Аб'яднаных Нацый (УВКБ ААН) спадарыняй Анжэлай Лі Росі.
Бакі разгледзелі бягучую сітуацыю, звязаную з нерэгулярнымі мігрантамі, якія знаходзяцца на граніцы Беларусі і Польшчы. Акрамя таго, абмеркавалі ўзаемадзеянне ўсіх уцягнутых арганізацый для аказання дапамогі дадзенай катэгорыі асоб.
Анатоль Лапо адзначыў, што Дзяржпагранкамітэт адкрыты для дыялогу з усімі зацікаўленымі бакамі. Беларуская пагранічная служба прыкладае максімум намаганняў для вырашэння сітуацыі з бежанцамі, якія накіроўваюцца ў краіны Еўрасаюза.
Па выніках сустрэчы бакі дасягнулі дамоўленасцей па далейшаму супрацоўніцтву ў гэтым кірунку.