.

Дзяржаўны пагранічны камітэт
Рэспублікі Беларусь

Інфармацыйны партал

Дзяржаўны пагранічны камітэт

Kіруючы склад

Мальцаў Леанід Сяменавіч

Мальцев Леонид Семенович
Генерал-палкоўнік.  

Нарадзіўся ў 1949 г. у в. Вецянёўка Слонімскага раёна Гродзенскай вобласці. У 1967 г. скончыў Мінскае сувораўскае ваеннае вучылішча. У 1971 г. скончыў Кіеўскае вышэйшае агульнавайсковае каманднае вучылішча з залатым медалём, у 1979 г. - Ваенную акадэмію ім. М. В. Фрунзе з адзнакай, у 1992 г. - Ваенную акадэмію Генеральнага штаба з адзнакай. 
 

Кандыдат сацыялагічных навук. Доктар палітычных навук. Сапраўдны член Акадэміі ваенных навук Расійскай Федэрацыі. Заслужаны спецыялiст Узброеных Сіл Рэспублікі Беларусь.

Служыў у Групе савецкіх войскаў у Германіі на пасадах камандзіра мотастралковага ўзвода, мотастралковай роты, мотастралковага батальёна, у Чырванасцяжнай Далёкаўсходняй ваеннай акрузе - на пасадах намесніка камандзіра палка, камандзіра палка, начальніка штаба дывізіі, камандзіра дывізіі. 

З 1992 г. - у Беларусі, першы намеснік камандуючага 28-й арміяй, камандзір корпуса. У 1994 г. - начальнік Галоўнага штаба Узброеных Сіл Рэспублікі Беларусь - першы намеснік Міністра абароны. З 1995 г. - Міністр абароны Рэспублікі Беларусь. У сакавіку 1997 г. прызначаны першым намеснікам начальніка Штаба па каардынацыі ваеннага супрацоўніцтва дзяржаў - удзельніц СНД. У 2000-2001 гг. - намеснік Дзяржаўнага сакратара Савета Бяспекі Рэспублікі Беларусь.    

З сакавіка 2001 г. - Міністр абароны Рэспублікі Беларусь. 

Дзяржаўны сакратар Савета Бяспекі Рэспублікі Беларусь з 4 снежня 2009 г.

З 2 лістапада 2013 г. - Старшыня Дзяржаўнага пагранічнага камітэта Рэспублікі Беларусь.

Жанаты, двое сыноў, двое ўнукаў, унучка.

 


Першы намеснік Старшыні Дзяржаўнага пагранічнага камітэта Рэспублікі Беларусь    

Буткевич Игорь Евгеньевич

Першы намеснік Старшыні Дзяржаўнага пагранічнага камітэта Рэспублікі Беларусь

Генерал-маёр. 

Нарадзіўся ў 1969 годзе ў д. Ракаўцы Смаргонскага раёна Гродзенскай вобласці. 

У 1990 годзе скончыў з адзнакай Рыжскае вышэйшае ваенна-палітычнае вучылішча і ў 2001 годзе - камандна-штабны факультэт Ваеннай акадэміі Рэспублікі Беларусь.

1990 - 1994 гг. - праходзіў службу на афіцэрскіх пасадах у Ваенна-касмічных сілах на касмадроме "Байканур". 

У перыяд з 1994 па 1999 гг. праходзіў службу ў Смаргонскім пагранічным атрадзе на розных пасадах: ад камандзіра каменданцкага ўзвода, камандзіра каменданцкай роты, да начальніка агнявой падрыхтоўкі.

2001 - 2002 гг. - старшы афіцэр у Дзяржаўным камітэце пагранічных войскаў. 

2002 - 2007 гг. - праходзіў службу ў Полацкім пагранічным атрадзе на пасадах: намесніка начальніка штаба, першага намесніка начальніка пагранічнага атрада - начальніка штаба. 

2007 - 2009 гг. - начальнік Пінскага пагранічнага атрада.

З 2009 па 2013 г. кіраваў Гродзенскай пагранічнай групай, якая па выніках 2011, 2012 і 2013 гадоў лічылася лепшым злучэннем у органах пагранічнай службы Рэспублікі Беларусь. 

У 2010 - 2014 гг з'яўляўся дэпутатам Гродзенскага гарадскога Савета дэпутатаў.

Указам Прэзідэнта Рэспублікі Беларусь ад 12 красавіка 2013 г. № 173 прызначаны на пасаду першага намесніка Старшыні Дзяржаўнага пагранічнага камітэта - начальніка галоўнага аператыўнага ўпраўлення. 

У 2014 годзе прысвоена класная кваліфікацыя "майстар".

У 2015 годзе скончыў з адзнакай установу адукацыі "Ваенная акадэмія Рэспублікі Беларусь", факультэт Генеральнага Штаба Узброеных Сіл па спецыяльнасці "Дзяржаўнае і ваеннае кіраванне".

З мая 2014 гг. - першы намеснік Старшыні Дзяржаўнага пагранічнага камітэта Рэспублікі Беларусь.

Узнагароджаны ордэнам "За службу Радзіме" III ступені, медалямі «За бездакорную службу» I, II, III ступені і Ганаровай граматай Савета Міністраў Рэспублікі Беларусь.  

Жанаты, выхоўвае дзвюх дачок.



Намеснік Старшыні Дзяржаўнага пагранічнага камітэта Рэспублікі Беларусь 

Маісеенка Уладзімір Рыгоравіч

Генерал-маёр. 

Нарадзіўся ў 1964 годзе ў горадзе Гродна. У 1985 годзе скончыў Галіцынскае вышэйшае ваенна-палітычнае пагранічнае ордэна Кастрычніцкай Рэвалюцыі Чырвонасцяжнае вучылішча КДБ СССР імя К.Я.Варашылава, у 1997 годзе скончыў Акадэмію ФПС Расійскай Федэрацыі. 

Праходзіў службу на розных афіцэрскіх пасадах: ад намесніка начальніка пагранічнай заставы да начальніка ўпраўлення Дзяржаўнага пагранічнага камітэта Рэспублікі Беларусь. 

У 2010-2014 гг. узначальваў дзяржаўную ўстанову адукацыі «Інстытут пагранічнай службы Рэспублікі Беларусь». 

Указам Прэзідэнта Рэспублікі Беларусь ад 2 мая 2014 года № 190 прызначаны на пасаду намесніка Старшыні Дзяржаўнага пагранічнага камітэта Рэспублікі Беларусь. 

За поспехі ў службе ўзнагароджаны медалямі «За бездакорную службу» I, II і III ступені, "За адзнаку ў ахове Дзяржаўнай граніцы СССР», «За адзнаку ў воінскай службе».

Жанаты, выхоўвае сына і дачку.



Лапо Анатоль Пятровіч
Намеснік Старшыні Дзяржаўнага пагранічнага камітэта Рэспублікі Беларусь


Лапо Анатоль Пятровіч

Генерал-маёр. 

Нарадзіўся ў 1963 годзе ў в. Кулакоўка Бялыніцкага раёна Магілёўскай вобласці. У 1986 годзе скончыў Галіцынскае Вышэйшая пагранічнае ваенна-палітычнае вучылішча КДБ СССР імя К. Я. Варашылава і ў 2001 г. - Акадэмію федэральнай пагранічнай службы Расійскай Федэрацыі. 

У перыяд з 1981 па 1992 гг. праходзіў службу ў Чырванасцяжнай Закаўказскай пагранічнай акрузе КДБ СССР на розных пасадах: ад радавога тэрміновай службы, намесніка начальніка пагранічнай заставы, начальніка пагранічнай заставы да намесніка каменданта - начальніка штаба пагранкамендатуры. 

З 2004 па 2008 гг. кіраваў Смаргонскім пагранічным атрадам, які дамогся ганаровага звання «Перадавая частка органаў пагранічнай службы Рэспублікі Беларусь».

Узнагароджаны шэрагам дзяржаўных узнагарод СССР і Рэспублікі Беларусь, у ліку якіх медаль «За баявыя заслугі» і ордэн «За службу Радзіме» ІІІ ступені. 

Указам Прэзідэнта Рэспублікі Беларусь ад 29.08.2008 года № 470 прызначаны на пасаду намесніка Старшыні Дзяржаўнага пагранічнага камітэта Рэспублікі Беларусь - начальніка галоўнага ўпраўлення матэрыяльна-тэхнічнага забеспячэння. 

Выхоўвае дзвюх дачок.



Печань Ігар Мікалаевіч

Намеснік Старшыні Дзяржаўнага пагранічнага камітэта Рэспублікі Беларусь  

Печань Ігар Мікалаевіч

 Генерал-маёр. 

Нарадзіўся 1 мая 1965 года ў горадзе Смаленску РСФСР.У 1986 г. скончыў Харкаўскае гвардзейскае вышэйшае танкавае каманднае вучылішча, у 1995 г. - ваенную акадэмію бранятанкавых войскаў імя Р. Я. Маліноўскага, у 2009 г. - ваенную акадэмію Генеральнага штаба Узброеных Сіл Расійскай Федэрацыі.

Службу праходзіў у Групе Савецкіх Войскаў у Германіі, Забайкальскай ваеннай акрузе, Узброеных Сілах РБ. Перад прызначэннем на сапраўдную пасаду службу праходзіў на пасадзе намесніка начальніка факультэта Генеральнага штаба Узброеных Сіл па вучэбнай і навуковай працы. 

Указам Прэзідэнта Рэспублікі Беларусь ад 28.02.2012 года № 387 прызначаны на пасаду намесніка Старшыні Дзяржаўнага пагранічнага камітэта Рэспублікі Беларусь - начальніка галоўнага ўпраўлення рэжыму і арганізацыйнага забеспячэння. 

Жанаты, выхоўвае дзвюх дачок.