Дзяржаўны пагранічны камітэт
Рэспублікі Беларусь

14.03.2017

За мінулыя выхадныя дні беларускія пагранічнікі сярод патоку тых, хто выязджаў за граніцы Беларусі, выявілі 13 грамадзян, якія ў ходзе кантролю прад'явілі несапраўдныя дакументы.

Дзевяць беларусак планавалі наведаць розныя краіны, але пры гэтым яны не ўпэўніліся ў сапраўднасці сваіх пашпартоў. Прычыны парушэння рэжыму дзяржграніцы «класічныя»: хтосьці заключыў ці скасаваў шлюб і пры гэтым не змяніў дакумент у адведзены тэрмін, хтосьці не паклапаціўся пра замену дакумента ў сувязі са сканчэннем яго тэрміну дзеяння.

З падобнымі ж сітуацыямі сутыкнуліся двое беларусаў. У аднаго ў пашпарце немагчыма было ідэнтыфікаваць пячатку, тэрмін дзеяння пашпарта іншага мінуў у 2016 годзе.

Таксама пагранічнікам прад'яўлялі дакументы, якія падвяргаліся ўздзеянню вільгаці, і якія значацца ў базах дадзеных як несапраўдныя.

Ва Украіну збіраліся і двое грамадзян Малдовы. У пункце пропуску «Новая Гута» першы прад'явіў пашпарт у старым стане, іншы спрабаваў прайсці пагранічны кантроль па ідэнтыфікацыйнай карце, якая не з'яўляецца дакументам для перасячэння граніцы. Яны прызнаныя парушальнікамі рэжыму дзяржаўнай граніцы і правілаў знаходжання на беларускай тэрыторыі.

Усе грамадзяне з праблемнымі дакументамі праз граніцу не прапушчаны і прыцягнуты да адміністрацыйнай адказнасці.

Пры планаванні міжнародных паездак заўсёды правярайце свой пашпарт: тэрмін яго дзеяння, выразнасць усіх пячатак, адсутнасць старонніх запісаў у дакуменце. Поспех будучай паездкі залежыць выключна ад своечасовай падрыхтоўкі.